Metall, yogʻoch, plastik va charmga lazer gravirovka va markirovka. Ofis eshik tablichkalari, koʻrsatkichlar, xona raqamlari, nomli plastinkalar — oltin, kumush yoki rangli fonda.
Tablichkalar uchun ikki qatlamli plastik (oltin/qora, kumush/qora, oq/qora) yoki metall (alyuminiy, zanglamas poʻlat, latun) ishlatamiz. Lazer yuqori qatlamni olib tashlab, ostidagi rangni ochadi — yozuv hech qachon oʻchmaydi.
Markirovka apparatimiz metallga seriya raqami, logotip va QR-kod tushiradi — asboblar, jihozlar va sovgʻa buyumlari uchun. Qalam, flesh-karta, termos kabi buyumlarga ism yozish 10 daqiqa oladi.
